...

İranda 82 nəfər koronavirusdan ölüb

Dünya xəbərləri Materials 9 Yanvar 2021 15:07 (UTC +04:00)
İranda 82 nəfər koronavirusdan ölüb

Bakı. Elnur Bağışov – Trend:

İranda ötən sutka ərzində 82 nəfər koronavirusdan (COVID 19) ölüb.

Bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib. Bu barədə Trend nazirliyə istinadən məlumat verir.

S.Sadat Larinin sözlərinə görə, bununla da İranda bu virusdan ölənlərin sayı 56 100 nəfərə yüksəlib.

Ölkədə ötən 24 saat ərzində 5 924 nəfər koronavirisa yoluxub. Beləliklə İranda bu virusa yoluxanların sayı 1 280 438 nəfərə çatıb. Virus daşıyıcılarından 4 686 nəfərin vəziyyəti ağırdır.

İranda indiyədək 1 067 466 nəfər koronavirusdan sağalıb, 8,09 milyondan çox diaqnoz testi həyata keçirilib.

Hazırda İranda 30 rayon narıncı zona, 219 rayon sarı zona və 192 rayon mavi zona hesab olunur.

Məqalədə:
Xəbər lenti

Xəbər lenti