Bakı. Trend:
Sloveniyada bazar günü prezident seçkilərinin ikinci turunda səsvermə başlayıb.
Trend xəbər verir ki, yerli vaxtla səhər saat 07:00-da (Bakı vaxtı ilə saat 10:00) 3000-dən çox seçki məntəqəsi açılıb.
Prezident seçkilərinin ikinci turuna iki namizəd keçib: ölkənin keçmiş xarici işlər naziri, Sloveniya Demokratik Partiyasından deputat Anje Loqar və partiyasız namizəd, hüquqşünas Nataşa Pirts-Musar.
Səsvermə yerli vaxtla saat 19:00-da (Bakı vaxtı ilə 22:00) başa çatacaq.