Bakı. Trend:
Ekvadorun Alausi şəhərində torpaq sürüşməsi nəticəsində ölənlərin sayı 14 nəfərə çatıb.
Trend xəbər verir ki, bu barədə ölkənin Fövqəladə Hallar İdarəsinin "Twitter" səhifəsindəki paylaşımda deyilir. Daha əvvəl 8 nəfərin öldüyü, 71 nəfərin itkin düşdüyü bildirilirdi.
"14 nəfər ölüb, 33 nəfər yaralanıb, 67 nəfər itkin düşüb", - deyə paylaşımda bildirilir.
Qeyd edilir ki, hadisə yerində axtarış-xilasetmə əməliyyatı davam edir.