Bakı. Trend:
Avropa İttifaqı (Aİ) silah və sursat istehsalına böyük sərmayələr yatırsa, büdcə kəsirini ÜDM-in 3%-nə endirmək üçün ölkələrinə yeddi ilə qədər möhlət vermək istəyir.
Trend-in məlumatına görə, bu barədə "Bloomberg" agentliyi Birlikdə olan mənbələrə istinadən xəbər verib.
Məlumata əsasən, bu güzəştlər Avropa Komissiyasının (AK) Aİ-nin əsas iqtisadi sənədi - Sabitlik və Artım Paktı üzrə islahatlara dair təkliflər paketinin bir hissəsi olacaq ki, bu da İttifaqa üzv ölkələrinin büdcə kəsirinin ÜDM-in 3%-dən çox olmamasını, dövlət borcu isə ÜDM-in 60%-dən çox olmamasını nəzərdə tutur.
Hərbi xərclər, o cümlədən sursat və mərmilər yaşıl enerjinin inkişafı ilə yanaşı, Avropa İttifaqının inkişafı üçün prioritet sahələrdən birinə dəstək kimi qiymətləndiriləcək.