Bakı. Trend:
İranın 60 faizə qədər zənginləşdirilmiş uranı var ki, sonrakı zənginləşdirmə ilə üç atom bombası yaratmaq üçün kifayət edəcək.
Trend-in məlumatına görə, bu barədə "Reuters" agentliyi Beynəlxalq Atom Enerjisi Agentliyinin (BAEA) məxfi hesabatına istinadən bildirib.
BAEA təsnifatına görə, silah istehsal etmək üçün uranın 90%-ə qədər zənginləşdirilməsi lazımdır və atom bombası üçün təxminən 42 kq material “nəzəri cəhətdən kifayətdir”.
"Reuters" agentliyi bildirib ki, bu ilin sentyabrından İranda 60 faizə qədər zənginləşdirilmiş uran ehtiyatları 128,3 kq-a yüksəlib.