Bakı. Trend:
NASA, Ay və Marsda elektrik enerjisi istehsal etmək üçün kiçik bir nüvə reaktoru qurmağı hədəfləyən layihənin birinci mərhələsinin tamamlandığını elan edib.
Trend xəbər verir ki, bu barədə Phys.org-un press-relizində məlumat verilib.
İlkin mərhələ 2022-ci ildə başladı, o zaman NASA beş milyon dollar dəyərində üç müqavilə imzalamışdı və tərəfdaşlarına nüvə reaktorunun dizaynı, o cümlədən enerjiyə çevrilmə, istiliyin çıxarılması, enerjiyə nəzarət və paylama sistemləri, xərclər və inkişaf cədvəli üzərində düşünməyi tapşırmışdı. Plana görə, belə bir reaktor insanın Ayda ən azı on il uzunmüddətli olması üçün şərait yaratmalıdır.