Bakı. Trend:
Rusiya tarixində ilk dəfə olaraq Koreya vətəndaşı casusluqla bağlı cinayət işi çərçivəsində saxlanılıb.
Trend bu barədə Rusiya KİV-ə istinadən xəbər verir.
Məlumata görə, hüquq-mühafizə orqanlarının əməkdaşları tərəfindən Vladivostokda saxlanılan Koreya vətəndaşı istintaq tədbirlərinin keçirilməsi üçün Moskvaya aparılıb.
Qeyd olunub ki, sözügedən Koreya vətəndaşı dövlət sirri təşkil edən məlumatları xarici xüsusi xidmət orqanlarına ötürməkdə ittiham olunur.