Bakı. Trend:
"SpaceX" şirkəti üç-beş həftə ərzində "Starship" kosmik gəmisinin prototipi ilə daşıyıcı raketin dördüncü sınaq buraxılışını həyata keçirməyi planlaşdırır.
Trend-in məlumatına görə, bu barədə "SpaceX" şirkətinin rəhbəri İlon Mask bildirib.
O, "X" sosial şəbəkəsində gəminin fotosunu dərc edərək, onun uçuşuna hazırlıqların getdiyini yazıb. İstifadəçilərdən biri şərhdə dördüncü uçuşun nə vaxt baş tutacağını və İ.Maskın yeni buraxılış nəticəsində hansı məqsədlərə çatmağı planlaşdırdığını soruşub.
"Yəqin ki, 3-5 həftəyə. Məqsəd gəminin [gövdəsinin] maksimum qızma zonasını keçməsi və ya ən azı keçən dəfə olduğundan daha uzağa uçmasıdır", - deyə sahibkar cavab verib.