Bakı. Trend:
Çinin Hıbey əyalətinin Canciakou şəhərində marketdə baş verən yanğın nəticəsində 8 nəfər həyatını itirib, 15 nəfər yaralanıb.
Trend xəbər verir ki, yanğın səhər saatlarında qeydə alınıb. Hadisə yerinə gələn yanğınsöndürənlər təxminən saat yarımdan sonra yanğını nəzarət altına alıblar.
Rəsmi məlumata görə, axtarış-xilasetmə işləri tamamlanıb, yaralılar xəstəxanalara yerləşdirilib. Yanğının başvermə səbəbləri hələlik açıqlanmayıb.