Bakı. Trend:
ABŞ Dövlət Departament və USAİD tərəfindən və ya onların vasitəsilə maliyyələşdirilən xarici yardım proqramları 90 gün müddətinə dayandırmaq barədə qərar qəbul edib.
Trend xəbər verir ki, bu addım Prezident Donald Trampın verdiyi müvafiq sərəncamın icrası məqsədilə atılıb. Dövlət katibi Marko Rubio tərəfindən təsdiqlənən sənəddə bildirilir ki, mövcud xarici yardımlarla bağlı qərar dərhal həyata keçiriləcək və dövlət katibi nəzərdən keçirənə qədər qüvvədə qalacaq.
Ümumilikdə, Marko Rubio növbəti 85 gün ərzində vəziyyəti nəzərdən keçirdikdən sonra proqramların davam etdirilməsi, dəyişdirilməsi və ya dayandırılması ilə bağlı qərarlar veriləcək. O vaxta qədər Marko Rubio tərəfindən müəyyən istisnalar təsdiq edilə bilər.
Dövlət Departamentinin Xarici Yardım Bürosu tərəfindən hazırlanan sənəddə yalnız İsrail və Misirin hərbi maliyyələşdirilməsi ilə bağlı istisna tətbiq ediləcəyi bildirilir. Sənəddə başqa ölkələrin, o cümlədən Ukraynanın adı qeyd olunmayıb.