Bakı. Trend:
ABŞ prezidenti Donald Tramp və Ukrayna prezidenti Volodimir Zelenski Ukraynada atəşkəs rejiminin genişləndirilməsi üzrə irəliləyişə dair razılığa gəliblər.
Trend-in məlumatına görə, bu barədə ABŞ dövlət katibi Marko Rubio və ABŞ-nin milli təhlükəsizlik üzrə müşaviri Mayk Uoltsun birgə bəyanatında deyilib.
Bəyanatı Ağ Evin mətbuat katibi Kerolayn Levitt oxuyub.
"Prezident Tramp prezident Zelenskiyə [Rusiya lideri Vladimir] Putinlə söhbəti və [onunla telefon danışığı zamanı] müzakirə olunan əsas məsələlər barədə tam məlumat verib. Onlar Kursk vilayətindəki vəziyyəti nəzərdən keçirib və döyüş meydanında vəziyyətin inkişafı ilə bağlı silahlı qüvvələri arasında sıx məlumat mübadiləsi barədə razılığa gəliblər", - deyə o bildirib.