Bakı. Trend:
"Falcon 9" daşıyıcı raketi bazar ertəsi ABŞ Milli Kəşfiyyat İdarəsinin NROL-69 kosmik gəmisi ilə orbitə çıxacaq.
Trend xəbər verir ki, bu barədə daşıyıcı raketin istehsalçısı "SpaceX" şirkəti məlumat yayıb.
Raketin peyklə birlikdə orbitə çıxarılmasının Bakı vaxtı ilə 21:48-də Floridada Kanaveral burnunda ABŞ Kosmik Qüvvələrinin bazasındakı 40-cı buraxılış kompleksindən həyata keçirilməsi planlaşdırılır.
Peykin texniki məlumatları və onun orbiti haqqında məlumatlar gizli saxlanılır.
Amerikanın ixtisaslaşmış KİV-lərinin məlumatına görə, layihənin dəyəri 52 milyon dollardır, geostasionar orbitə çıxarılan aparatın çəkisi 8,3 tona çatır.