Bakı. Trend:
Ukrayna prezidenti Volodimir Zelenski Ukrayna nazirlər kabinetində artıq bu həftədən dəyişikliyin edilməsi ilə bağlı qərar qəbul edib.
Trend xəbər verir ki, bu barədə RBK-Ukraina məlumat yayıb.
Məlumata görə, yeni hökümətə hal-hazırda baş nazir müavini vəzifəsini tutan Yuliya Sviridenko başçılıq edəcək. Hazırki baş nazir Denis Şmıqal isə Rüstəm Umerovun əvəzinə müdafiə naziri postuna gətirilə bilər. Sonuncunun isə ABŞ-yə səfir göndəriləcəyi ehtimal edilir.
Agentliyin öz mənbələrinə istinadən məlumatına görə, yeni hökumətdə bəzi nazirliklər birləşdiriləcək və ümumilikdə səlahiyyətlərin yeni bölgüsü həyata keçiriləcək.