Bakı. Trend:
Vaşinqtonun ada ilə bağlı iddiaları fonunda Şimali Amerikanın Aerokosmik Müdafiə Komandanlığının (NORAD) hərbi təyyarələri ABŞ-nin Qrenlandiyadakı bazasına gələcək.
Trend-in məlumatına görə, bu barədə NORAD “X” sosial şəbəkəsində paylaşım edib.
Bildirilib ki, təyyarələr Pituffik bazasında ABŞ, Kanada və Qrenlandiya arasında davamlı müdafiə əməkdaşlığına əsaslanan, əvvəlcədən planlaşdırılmış müxtəlif tədbirlərə dəstək göstərəcəklər.
Məlumatda qeyd olunub ki, bu fəaliyyət Danimarka Krallığı ilə əlaqələndirilib və bütün dəstək qüvvələri müvafiq diplomatik icazələr əsasında fəaliyyət göstərir. Qrenlandiya hökumətinin də planlaşdırılan tədbirlər barədə məlumatlandırıldığı vurğulanıb.