Gürcüstan xarici işlər naziri Qela Bejuaşviliyə istinadən "Associated Press" agentliyi xəbər verir ki, Gürcüstan Əfqanıstana sülhməramlılar göndərməyə hazırlaşır.
Venada olan Q.Bejuaşvili "Rustavi-2" Gürcüstan telekanalına müsahibəsində bildirib: "Grücüstan İraqda və Kosovoda sülhməramlıların missiyasında iştirak edir və hazırda biz Əfqanıstanda sülhməramlıların missiyasında iştirak etməyə hazırıq". O əlavə edib: "Gürcüstanın bu missiyalarda iştirakı NATO-ya inteqrasiya prosesinin bir hissəsini təşkil edir".
Trend xəbər verir ki, hazırda hərbçilər, tibb işçiləri və yardımçı heyət nümayəndələrindən ibarət təxminən 900 gürcü İraqdadır.