Azərbaycan, Bakı, 4 sentyabr/Trend, müxbir M.Əliyev/
2011-ci ildə Azərbaycanın ali məktəblərinə qəbul imtahanları Bakı və Gəncə ilə yanaşı, Lənkəran və Şəkidə də keçiriləcək. Bu barədə Trend-ə Azərbaycanın Tələbə Qəbulu üzrə Dövlət Komissiyasının sədri Məleykə Abbaszadə deyib.
2010-cu ildə birinci qrup ixtisas üzrə qəbul imtahanları paytaxtla yanaşı, ilk dəfə olaraq Azərbaycanın regionu Gəncə şəhərində keçirilib.
"2011-ci ildə ixtisaslar qrupuna, fənnlərin sayına və balların hesablanması əmsalına dəyişikliklər gözlənilmir", - Abbaszadə qeyd edib.
Onun sözlərinə görə, gələn il açıq tipli testlərin tətbiqi gözlənilir.
