II Ümumrespublika dekorativ-tətbiqi sənət festivalı təşkil olunacaq

Azərbaycan, Bakı, 1 oktyabr /Trend/

Bakı şəhər Mədəniyyət və Turizm İdarəsi tərəfindən II Ümumrespublika dekorativ-tətbiqi sənət festivalının Bakı şəhəri üzrə sərgisi Azərbaycan Rəssamlar İttifaqının V.Səmədova adına sərgi salonunda təşkil olunacaq.

Trend İdarəyə istinadən məlumat verir ki, sərginin açılış mərasimi oktyabrın 5-də saat 16:00-da olacaq, 6 oktyabr saat 10:00-dan 18:00-dək, 7 oktyabr saat 10:00-dan 18:00-dək davam edəcək.

II Ümumrespublika dekorativ-tətbiqi sənət festivalının Bakı şəhəri üzrə seçim turunda iştirak edənlərin siyahısı:

Bədii şüşə üzrə Neymətova Səyyarə Azər qızı, bədii oyma (ağac üzərində) üzrə Məmmədov Vüqar Allahverdi oğlu, Məmmədov Ələkbər Rafiq oğlu, Seyidzadə Rauf Telman oğlu və Salayev Ülfət Bədirxan oğlu, zərgərlik üzrə Ağayev Ramin Mirsadıq oğlu və Baloğlanova Səidə Siyahəddin qızı, dulusçuluq (keramika) üzrə Məmmədov Saleh Rza oğlu və Məmmədov Rza Saleh oğlu, batika, makrame üzrə Hacıyeva Südabə Mirəli qızı, bədii tikmə üzrə Əliyeva Təranə Qurban qızı, Əliyeva Bədirə Ələddin qızı və Seyidəliyeva Zərifə Feyzulla qızı, toxunma qrafika üzrə Səfərova Xuraman Abbas qızı, bədii tikmə, bədii şüşə üzrə Mustafayeva Lalə Rasim qızı, ikobana üzrə Nəsirova Fidan Yaqub qızı iştirak edəcəklər.

Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az

Trend-in ən mühüm və maraqlı xəbərlərini "Telegram"da izləyin