Bakı.Trend:
Nyu-Yorkda Rusiya, ABŞ və Ukrayna nümayəndələri arasında görüş keçiriləcək.
Bu barədə "Reuters" məlumat yayıb.
Agentlik bir gün əvvəl bildirmişdi ki, BMT Baş Assambleyasının Nyu-Yorkda keçirilən iclası çərçivəsində Rusiya Prezidentinin xarici ölkələrlə investisiya-iqtisadi əməkdaşlıq üzrə xüsusi nümayəndəsi, Rusiya Birbaşa İnvestisiya Fondunun (RDIF) rəhbəri Kirill Dmitriyev ABŞ Prezidenti Donald Trampın xüsusi nümayəndəsi Stiv Uitkoff və ABŞ liderinin kürəkəni Cared Kuşnerlə danışıqlar aparacaq.
"Reuters"in yazdığına görə, görüşdə Ukraynada nizamlanma, Rusiya ilə ABŞ arasında iqtisadi əməkdaşlıq, həmçinin Uitkoff və Kuşnerin sentyabrın əvvəlində Moskvaya səfəri zamanı müzakirə olunan digər məsələlər əsas mövzular olacaq.
