...

Azərbaycan Beynəlxalq Dil festivalında iştirak edib (FOTO)

Mədəniyyət Materials 21 May 2018 17:34 (UTC +04:00)
Mayın 18-dən 20-nə qədər Yunanıstanın Saloniki şəhər limanında 6-cı Multilinqualizm Beynəlxalq Dil Festivalı keçirilib.
Azərbaycan Beynəlxalq Dil festivalında iştirak edib (FOTO)

Trend-i buradan izləyin

Bakı. Trend:

Mayın 18-dən 20-nə qədər Yunanıstanın Saloniki şəhər limanında 6-cı Multilinqualizm Beynəlxalq Dil Festivalı keçirilib.

Diasporla İş üzrə Dövlət Komitəsindən Trend-ə verilən məlumata görə, “QALA” Yunanıstan-Azərbaycan Dostluq Cəmiyyəti Azərbaycan dilinin təqdimatını keçirib. Festival iştirakçıları Azərbaycan dilinin əlifbası ilə tanış olub, Azərbaycan dilində sözlər yazmaq, oxumaq və tələffüz etmək imkanı qazanıblar.

Bununla yanaşı Azərbaycan Xalq Cümhuriyyətinin 100 illiyi münasibətilə tarixi abidələrimiz, Azərbaycanın görməli yerləri ilə bağlı maraqlı məlumatlar verilib.

Mərasimdə geniş auditoriya qarşısında Azərbaycan dilində uşaq şeirləri və Azərbaycan şairi Səməd Vurğunun “Azərbaycan” şeiri səsləndirilib.

Saloniki şəhərinin icra başçısı Yannis Butaris, icra başçısının təhsil və idman üzrə müavini Cənab Aleksandros Barbunakis və alim Aryiru Mumdidu Beynəlxalq Dil Festivalında Azərbaycan stendini ziyarət ediblər, xatirə şəkilləri çəkilib.

Məqalədə:
Xəbər lenti

Xəbər lenti