...

Beynəlxalq Muğam Mərkəzinin “Muğam axşamları” layihəsi davam edir

Mədəniyyət Materials 22 Yanvar 2020 14:42 (UTC +04:00)
Konsertlərə biletləri şəhərimizin kassalarından, “ASAN xidmət” mərkəzləri və iticket.az saytından əldə etmək olar
Beynəlxalq Muğam Mərkəzinin “Muğam axşamları” layihəsi davam edir

Bakı. Trend:

Beynəlxalq Muğam Mərkəzinin sevilən və tamaşaçılar tərəfindən böyük maraqla gözlənilən “Muğam axşamları” layihəsinin növbəti konserti 25 yanvar tarixində saat 19:00-da təqdim ediləcək.

Trend-in məlumatına əsasən, həmin gün sevilən xanəndələr Kamilə Nəbiyeva, Mirələm Mirələmov və Nisbət Sədrayeva “Çahargah” muğamını təqdim edəcəklər.

Qeyd edək ki, Beynəlxalq Muğam Mərkəzi Azərbaycan milli musiqisinin təbliğinə həsr olunmuş bir neçə layihə həyata keçirir ki, onlardan biri də “Muğam axşamları” layihəsidir. Bu layihə çərçivəsində tanınmış ifaçılar tərəfindən muğamlar, xalq mahnıları və təsniflər səsləndirilib. Muğam sənətimizin fəlsəfəsini gələcək nəsillərə çatdırmaq məqsədilə reallaşan layihəyə tamaşaçılar böyük maraq göstərməkdədir . Artıq 3-cü mərhələsi təqdim edilən konsertlərdə bu günə kimi görkəmli xanəndələrimizin ifasında 7 əsas muğamlarımız təqdim edilib.

Layihənin il boyu davam edəcək konsertlərində də “Bayatı-Şiraz”, “Humayun”, “Şüştər”, “Şahnaz”, “Orta Mahur”, “Arazbari”, “Osmanlı”, “Heydəri”, “Bayatı Qacar”, “Mahur hindi”, “Qarabağ şikəstəsi”, “Xaric segah”, “Heyratı”, “Mirzəhüseyn segahı”, “Kəsmə şikəstə”, “Bayatı Kürd”, “Ovşarı”, “Dəşti”, “Qatar”, “Rahab” və “Şirvan şikəstəsi” muğamları təqdim olunacaq.

Konsertlərə biletləri şəhərimizin kassalarından, “ASAN xidmət” mərkəzləri və iticket.az saytından əldə etmək olar.

Məqalədə:
Xəbər lenti

Xəbər lenti