...

Metroya daxil olan sərnişinlərin hərarəti ölçüləcək - RƏSMİ

Gündəm Materials 11 Sentyabr 2020 16:27 (UTC +04:00)
Metroya daxil olan sərnişinlərin hərarəti ölçüləcək - RƏSMİ

Trend-i buradan izləyin

Bakı.Samir Əli -Trend:

Bakı metrosunun fəaliyyəti bərpa olunduqdan sonra stansiyalara daxil olan sərnişinlərin hərarəti ölçüləcək.

Bunu Trend-ə açıqlamasında “Bakı Metropoliteni” Qapalı Səhmdar Cəmiyyətinin Mətbuat xidmətinin rəhbəri Bəxtiyar Məmmədov bildirib.

Onun sözlərinə görə, sərnişinlərin hərarəti seçmə üsulu ilə ölçüləcək: “Günün pik saatlarında bütün sərnişinlərin hərarətini ölçmək mümkün olmayacaq. Bakı metrosunun xüsusi təlimat keçmiş stansiya işçiləri bu işə cəlb olunacaqlar. Zahirən virus daşıyıcısı kimi şübhəli bilinən sərnişinlərin hərarəti yoxlanacaq. Hərarəti olan sərnişinlər metroya buraxılmayacaq.

Ümumiyyətlə, sərnişinlərimiz sanitar-gigiyenik normaların tələblərinə nə qədər çox düzgün riayət etsələr, “Bakı Metropoliteni”nin fəaliyyəti bir o qədər təhlükəsiz və rəvan qaydada davam etdiriləcək”.

Məqalədə:
Xəbər lenti

Xəbər lenti