Bakı. Samir Əli - Trend:
Seroloji analizlə “COVID-19”-a qarşı vaksinasiya pasportu almaq mümkün deyil.
Trend-in məlumatına görə, bunu Səhiyyə Nazirliyinin nəzdində fəaliyyət göstərən işçi qrupun üzvü Nailə Daşdəmirova deyib.
O bildirib ki, İgG analizi verərək COVID pasportu əldə etmək mümkün deyil: “Bu, seroloji analizdir, bununla heç bir pasport almaq mümkün deyil. İmmun sertifikatı olan şəxsin sertifikatının müddəti 6 ay tamamlananda bitir. Bu zaman o, vaksinasiya olunub “Vaksin sertifikatı” ala bilər".