Bakı. Trend:
Kiberdələduzlar tərəfindən “Azərpoçt” MMC-nin adından dələduzluq halları davam etməkdədir.
Trend Elektron Təhlükəsizlik Xidmətinin (ETX) yaydığı məlumata istinadən xəbər verir ki, belə ki, dələduzlar “Azərpoçt”un rəsmi domen adına oxşar keçidlər yaradaraq, vətəndaşları saxta veb-saytlara yönləndirirlər. Veb-saytların daxilində isə vətəndaşların bank kartı və digər fərdi məlumatlarını ələ keçirmək üçün xüsusi bölmələr yaradılmışdır.
Elektron Təhlükəsizlik Xidməti vətəndaşlara belə saxta veb-saytlara etimad etməməyi, şübhəli keçidlər vasitəsilə bank kartı və digər fərdi məlumatlarını qarşı tərəfə ötürməməyi, rəsmi məlumatları yalnız qurumların özündən dəqiqləşdirməyi tövsiyə edir.
