Bakı. Trend:
Misir hakimiyyəti Rəfah keçidi vasitəsilə Qəzza zolağına daxil olan humanitar yardım maşınlarının sayını gündə 300-ə çatdıracaq.
Trend-in məlumatına görə, bu barədə Misir Dövlət İnformasiya Xidmətinin rəhbəri Diya Rəşvan deyib.
"Misir Qəzzaya humanitar yardım aparan maşınların sayını 300-dən çox artırmağı planlaşdırır", - deyə o bildirib.
D.Rəşvan həmçinin qeyd edib ki, ötən ilin oktyabr ayından bəri Fələstin anklavından Misirə 66 759 əcnəbi vətəndaş və ikili vətəndaş daxil olub və 3 764 yaralı Qəzzadan müalicə olunmaq üçün Misir xəstəxanalarına köçürülüb.