Xocalı. Trend:
Fevralın 26-da saat 17:00-da Xankəndi şəhərində, Ağdərə və Xocalı rayonlarında soyqırım qurbanlarının xatirəsi bir dəqiqəlik sükutla yad edilib.
Bu barədə Trend-in Qarabağ bürosuna Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən məlumata verilib.
Belə ki, nəqliyyat vasitələrinin hərəkəti dayandırılıb, şəhər, qəsəbə və kəndlərdə Azərbaycanın Dövlət Bayrağı yarıyadək endirilib. Xocalı soyqırımı qurbanlarının əziz xatirəsinə ehtiram ifadə olunub.
