Azərbaycan, Bakı, 02 oktyabr/ Trend , müxbir R.Novruzov/ Permdə təyyarənin qəzaya uğraması nəticəsində həlak olmuş azərbaycanlıların qalıqlarının qanının DNK analizinin aparılması ən azı üç aydan sonra başa çatacaq, - cümə axşamı Trend - a telefonla Ümumrusiya Azərbaycanlıları Konqresi təşkilatının Perm vilayəti üzrə regional nümayəndəliyindən deyiblər.
Nümayəndəlikdən verilən məlumata görə, həlak olanların qalıqlarının onların qohumlarına verilməsi, DNK analizi başa çatanadək qeyri - mümkündür. Həlak olanların ailələrinə təzminatlar üç - dörd aydan sonra - DNK analizlərinin nəticələri alındıqdan sonra ayrılacaq, - nümayəndəlikdən bildiriblər.
Sentyabrın 14 - də Moskva vaxtı ilə saat 3.10 - da "Moskva - Perm" reysini yerinə yetirən Boinq-737 təyyarəsi enən anda gözlənilmədən göyə qalxmağa başlayıb və onunla əlaqə itib. Yarım saatdan sonra, Moskva vaxtı ilə saat 3.45 - də təyyarə Transsibir magistralının dəmir yoluna, yaşayış tikililərinin on metrliyinə düşüb.Təyyarənin qəzaya uğraması nəticəsində 88 sərnişin həlak olub. Onlardan 11 -i azərbaycanlı olub.
