Azərbaycan, Bakı, 03 mart / Trend , müxbir K.Zərbalıyeva/
Azərbaycanın Şəmkir rayonu ərazisində (paytaxt Bakıdan 400 kilometr qərbdə) planlaşdırılmış təlim uçuşu zamanı SU-25 hərbi təyyarəsi qəzaya uğrayıb. Bu barədə çərşənbə günü Trend -a Müdafiə Nazirliyinin mətbuat xidmətindən məlumat verilib.
Məlumata görə, təyyarənin pilotu Famil Elman oğlu Məmmədli qəza nəticəsində həlak olub. Hadisənin səbəbini Müdafiə Nazirliyi və Hərbi Prokurorluq tərəfindən yaradılmış birgə komissiya araşdırır.