Azərbaycan, Bakı, 11 aprel /Trend, müxbir K.Zərbalıyeva/
Xaçmazda keçmiş həyat yoldaşını qətlə yetirən kişi saxlanılıb.
Daxili İşlər Nazirliyinin mətbuat xidmətindən Trend-ə verilən məlumata görə, aprelin 9-da Xaçmaz rayonu Məhəmməd Əmin Rəsulzadə küçəsində Niyazabad kənd sakini Töhfənisə Abasovanın bıçaqla qətlə yetirilmiş meyiti tapılıb.
Xaçmaz rayon polis şöbəsinin əməkdaşlarının həyata keçirdikləri əməliyyat-axtarış tədbirləri nəticəsində qətli törətməkdə şübhəli bilinən mərhumun keçmiş əri Arif Abasov tutulub.
Faktla bağlı cinayət işi başlanıb, istintaq aparılır.