Azərbaycan, Bakı, 15 fevral /Trend, müxbir K.Zərbalıyeva/
Göyçayda torpaq sürüşməsi baş verib.
Trend-in çərşənbə günü Fövqəladə Hallar Nazirliyinin rəsmi saytına istinadən verdiyi məlumata görə, Aran Regional Mərkəzindən daxil olmuş məlumata əsasən, fevralın 14-də axşam saatlarında Göyçay şəhərinin mərkəzindən 3 km şimal istiqamətində, dağlıq ərazidə torpaq sürüşməsi baş verib.
Nəticədə, sürüşmə ərazisindəki Ərəb arxının qarşısı kəsilib, ərazidən keçən diametri 1200 mm olan yüksəktəzyiqli qaz kəməri zədələndiyi üçün qaz sızması yaranıb.