Azərbaycan, Bakı, 9 iyul /Trend/
Bakıda marşrut avtobusu minik maşını ilə toqquşub, bir nəfər ölüb.
Bakı şəhər Baş Polis İdarəsindən Trend-ə verilən məlumata görə, iyulun 8-i saat 23:30 radələrində Bilgəh qəsəbəsi Zəfəran sovxozunda İmamverdi Aslanovun idarə etdiyi "Daewoo" markalı 172 saylı xətt avtobusu ilə Bilgəh qəsəbə sakini Vasif Əliyevin idarə etdiyi "Opel" markalı avtomobil toqquşub. Əliyev aldığı xəsarətlər nəticəsində ölüb.
Daha bir yol qəzası Ramanada qeydə alınıb. İyulun 8-i saat 21:40 radələrində Ramana qəsəbəsi ərazisində Bakı şəhər sakini Kamil Ələsgərov idarə etdiyi "QAZ-31029" markalı avtomobillə Şəhriyar Musayevi vurub.
Musayev aldığı xəsarətlər nəticəsində Kliniki Tibbi Mərkəzdə ölüb.