Azərbaycan, Bakı, 5 mart /Trend, müxbir E.Tanrıverdiyev/
Moskvada azərbaycanlı polkovnik Adil Mahmudov restoranda nahar edən zaman qətlə yetirilib. Bu barədə Trend Rusiya KİV-ə istinadən məlumat verir.
Başından güllələnən həmyerlimiz hadisə yerindəcə dünyasını dəyişib.
Mahmudovun qafqaz əsilli naməlum şəxs tərəfindən qətlə yetirildiyi bildirilir.
1967-ci il təvəllüdlü Adil Mahmudovun Rusiya Müdafiə Nazirliyinin əməkdaşı olduğu deyilir.