Azərbaycan, Bakı, 6 iyun /Trend, müxbir R. Hafizoğlu/
Türkiyənin Manisa vilayətində kazarmada hərbçilər arasında kütləvi dava baş verib. Bu barədə Trend cümə axşamı "Yenişafak" qəzetinə istinadən məlumat verir.
Məlumata görə, dava nəticəsində 6 hərbçi xəsarət alıb, onlardan birinin vəziyyəti ağırdır.
İnsidentdən sonra bəzi hərbçilər hərbi hissəni tərk etmək istəyiblər, lakin yerli polis onları dayandırıb.
Kütləvi davanın səbəbləri müəyyənləşdirilir, fakt üzrə cinayət işi qaldırılıb.