Azərbaycan, Bakı, 21 noyabr /Trend, müxbir İ.İzzət/
Paytaxtda oğurluqdan şübhəli bilinən qadın saxlanılıb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Xətai rayon Polis İdarəsi Cinayət-Axtarış Şöbəsi və 34-cü Polis Bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən, Bakı şəhər sakini Pərvanə Əliyeva tutulub.
Məlum olub ki, o, sentyabrın 13-də Məhəmməd Hadi küçəsində yerləşən gözəllik salonundan açıq qapıdan keçmə yolu ilə orada işləyən Yasəmən Tapdıqovaya məxsus, içərisində 900 manat olan pul kisəsini oğurlayıb.
Faktla əlaqədar cinayət işi açılıb, P.Əliyevanın digər analoji əməllər törədib-törətmədiyi araşdırılır.