Azərbaycan, Bakı, 2 sentyabr /Trend, müxbir İlkin İzzət/
Bakı şəhər sakininə məxsus qaçırılmış avtomobil paytaxtın Nizami rayonunun ərazisində saxlanılıb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, avqustun 29-da Bakı şəhər sakini Amil Nəbiyevə məxsus qaçırılmış "VAZ-2106" markalı avtomobilin avqustun 31-də M.Ə.Rəsulzadə qəsəbəsində hərəkətdə olması DİN-in Təhlükəsiz Şəhər Xidməti tərəfindən aşkar edilib.
Bakı BPİ DYPİ əməkdaşlarının keçirdikləri tədbirlər nəticəsində avtomobil Nizami rayonunun ərazisində saxlanılıb və onu qaçırmış paytaxt sakini İsmayıl Baxışov tutulub.
Faktla bağlı araşdırma aparılır.