Bakı. Samir Əli - Trend:
Bakı Metropoliteninə məxsus "Həzi Aslanov"- "Dərnəgül" istiqamətində hərəkətdə olarkən tuneldə qalan 35 saylı qatarda yaranan problem aradan qaldırılıb.
Bu barədə Trend-ə açıqlamasında qurumun mətbuat xidmətinin rəhbəri Nəsimi Paşayev deyib. N.Paşayev bildirib ki, qatarda yaranmış problem tam aradan qaldırılıb və depoya yola salınıb: "Hazırda qatarların hərəkətində fasilələr yaranıb. Çalışırıq ki, intervalda olan gecikmələri aradan qaldıraq".
X X X
Bakı metrosunda qatar tuneldə qalıb.
"Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Nəsimi Paşayev Trend-ə bildirib ki, Həzi Aslanov-Dərnəgül istiqamətində 35 saylı marşrut üzrə hərəkət edən qatarın qapılarında nasazlıq olub:
"Saat 18:45-də sərnişinləri 28 May stansiyasında boşaldıb Nizami stansiyasından qatarı geri depoya göndərməli olduq. Təəssüf ki, qatar indi də 28 May-Gənclik stansiyaları arasında qalıb. Hazırda başqa qatarın köməkliyi ilə onu xətdən çıxartmağa çalışırıq. Yaranmış narahatlığa görə üzr istəyirik".