Bakı. Trend:
Bərdə rayonunda ümumi sahəsi 455 kv.m olan birmərtəbəli tikilinin yaşayış üçün istifadə olunan hissəsində 30 kv.m sahəyə yığılmış ev əşyaları yanıb.
Trend-in Fövqəladə Hallar Nazirliyinin saytına istinadən məlumatına görə, tikili yanğından mühafizə olunub.
Abşeron rayonunda da ümumi sahəsi 400 kv.m olan ikimərtəbəli tikilinin dam örtüyü və 2-ci mərtəbəsinin yanar konstruksiyaları 200 kv.m sahədə yanıb. Tikilinin qalan hissəsi yanğından mühafizə olunub.
Hər iki yanğın yanğın bölmələri tərəfindən söndürülüb.