...

Məhkəmə prokurorluğun protestini rədd etdi, sürücü bəraət aldı

Hadisə Materials 4 Sentyabr 2018 17:19 (UTC +04:00)
Bakı Apellyasiya Məhkəməsində Binəqədidə piyadanın ölümü ilə nəticələnən yol qəzasında təqsirləndirilən Ramiz Mirzalıyevin barəsində Binəqədi rayon Məhkəməsinin çıxardığı bəraət hökmündən verilən protestə baxılıb.
Məhkəmə prokurorluğun protestini rədd etdi, sürücü bəraət aldı

Bakı. Samir Əli - Trend:

Bakı Apellyasiya Məhkəməsində Binəqədidə piyadanın ölümü ilə nəticələnən yol qəzasında təqsirləndirilən Ramiz Mirzalıyevin barəsində Binəqədi rayon Məhkəməsinin çıxardığı bəraət hökmündən verilən protestə baxılıb.

Trend-in məlumatına görə, hakim Elşad Şamayevin sədrliyi ilə keçirilən prosesdə prokurorluğun protesti araşdırılsa da, təmin edilməyib.

Məhkəmə birinci instansiya məhkəməsinin bəraət hökmünü qüvvədə saxlayıb.

Xatırladaq ki, Binəqədi rayon Məhkəməsi piyadanın ölümündə sürücünün günahı təsdiqlənmədiyi üçün ona bəraət verib. Məhkəmə istintaqı zamanı məlum olub ki, R.Mirzalıyevin vurduğu piyada xəsarətdən ölməyib.

Yaralı Azərbaycanda bir müddət müalicə olunandan sonra Gürcüstana aparılıb.

O, hadisədən 1 il 4 ay sonra Gürcüstanda dünyasını dəyişib.

İttihama görə, Bakı şəhəri, Binəqədi rayonu ərazisində "Vaz 2107" markalı avtomobil yolu keçən piyadanı vurub. Sürücü dərhal piyadanı xəstəxanaya çatdırıb.

Faktla bağlı Binəqədi rayon Polis Şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

Məqalədə:
Xəbər lenti

Xəbər lenti