...

Gəncənin Kəpəz rayonunda qumbaralar aşkarlanıb (FOTO)

Hadisə Materials 31 Yanvar 2021 02:43 (UTC +04:00)
Gəncənin Kəpəz rayonunda qumbaralar aşkarlanıb (FOTO)

Bakı. Trend:

Yanvarın 29-30-da Daxili İşlər Nazirliyinin ″102″ Xidməti-Zəng mərkəzi sistemindən Azərbaycan Respublikası Ərazilərinin Minalardan Təmizlənməsi üzrə Milli Agentliyinə (ANAMA) Gəncə şəhərinin Kəpəz rayonu və Gülüstan qəsəbəsi ərazisində əl qumbaralarının tapılması barədə məlumat daxil olub.

ANAMA-dan Trend-ə verilən məlumata görə, agentliyin xüsusi mobil çevik əməliyyat qrupları, Daxili İşlər Nazirliyinin Gəncə şəhər Polis Şöbəsinin əməkdaşları əraziyə göndərilib.

Agentliyin mütəxəssisləri və Daxili İşlər Nazirliyinin Gəncə şəhər Polis Şöbəsinin əməkdaşları tərəfindən əraziyə baxış keçirilib. Təhlükəsizliyi təmin etmək məqsədilə ərazi polis tərəfindən mühasirəyə alınıb.

Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində Gəncə şəhəri ərazisindən 1 ədəd F-1 və 1 ədəd M-75 əl qumbarası aşkar olunub, götürülərək agentliyin mərkəzi məhvetmə ərazisinə daşınıb.

Əl qumbaralarının ətrafında 40 kv.m əraziyə yeraltı baxış keçirilib, əlavə təhlükəli əşya və qurğu aşkarlanmayıb.

Məqalədə:
Xəbər lenti

Xəbər lenti