...

Fermadan oğurluq etməkdə şübhəli bilinən şəxs saxlanılıb (VİDEO)

Hadisə Materials 13 Noyabr 2021 13:39 (UTC +04:00)
Fermadan oğurluq etməkdə şübhəli bilinən şəxs saxlanılıb (VİDEO)

Bakı. Trend:

Abşeron rayonunda fermaların birindən oğurluq etməkdə şübhəli bilinərək axtarışda olan şəxs saxlanılıb.

Daxili İşlər Nazirliyinin Mətbuat xidmətindən Trend-ə verilən məlumata görə, Abşeron Rayon Polis İdarəsinin Mehdiabad Polis Bölməsinin əməkdaşlarının keçirdikləri əməliyyat axtarış tədbiri nəticəsində oğurluq etməkdə şübhəli bilinərək axtarışda olan Hikmət Rəhimov saxlanılıb. Onun fermaların birindən generator oğurlayaraq satdığı məlum olub. Rayonun Məmmədli kəndində saxlanılan şəxsin üzərindən hazır bükümlər şəklində qablaşdırılan psixotrop maddə olan metamfetamin də aşkar edilərək götürülüb.

Faktla bağlı Mehdiabad Polis Bölməsində toplanan materiallar araşdırmaların davam etdirilməsi üçün Abşeron Rayon Polis İdarəsinə göndərilib. Bu şəxsin Abşeron rayonu, eləcə də, paytaxt ərazisində digər analoji cinayətlər etdiyi istisna olunmur. Hikmət Rəhimovun qanunsuz əməllərindən zərərçəkən başqa vətəndaşlar varsa bu barədə Abşeron Rayon Polis İdarəsinin Mehdiabad Polis Bölməsinə və ya ərazi üzrə polis orqanlarına, həmçinin Nazirliyin "102" Xidməti-Zəng Mərkəzinə məlumat verə bilərlər.

Məqalədə:
Xəbər lenti

Xəbər lenti