Bakı.Trend:
Gəncə şəhərinin Şah İsmayıl Xətai prospektində ağır yol-nəqliyyat hadisəsi baş verib.
Trend-in məlumatına görə, hadisə aprelin 9-u səhər saat 06 radələrində baş verib.
Belə ki, 1992-ci il təvəllüdlü Hüseynov İbrahim Sabaddin oğlunun idarə etdiyi “Chevrolet Cruze” markalı minik avtomobili ilə 1953-cü il təvəllüdlü Məmmədov Mübariz Əli oğlunun idarə etdiyi “VAZ 2104” markalı avtomobil toqquşub.
Qəza nəticəsində “VAZ 2104” markalı avtomobilin sürücüsü Mübariz Məmmədov aldığı xəsarətlərdən hadisə yerində həyatını itirib. Həmin avtomobildə sərnişin olan 2010-cu il təvəllüdlü Qasımov Müzəffər Xaliq oğlu isə xəsarət alıb.
Faktla bağlı Polis İdarəsində araşdırma aparılır.