Türkiyənin xarici işlər naziri Əhməd Davudoğlu ölkənin Baş naziri Rəcəb Tayyib Ərdoğanın ABŞ-a səfəri zamanı Prezident Barak Obama ilə Dağlıq Qarabağ probleminin müzakirə olunacağını bildirib. Bu haqda Türkiyənin ANADOLU informasiya agentliyi məlumat verib.
"Baş nazir Ərdoğanın ABŞ-a səfəri zamanı Dağlıq Qarabağ münaqişəsi müzakirə olunacaq", - deyə Davudoğlu bildirib.
XİN rəhbəri onu da qeyd edib ki, Ankara xarici siyasətini heç bir ölkənin qərarı ilə qurmur və özü qərarlar verir.
Baş nazir Ərdoğanın dekabrın 6-7-də ABŞ-a səfər edəcəyi gözlənilir.