Аzərbaycan, Bakı, 2 sentyabr /Trend, müxbir Y.Ostapenko/
ATƏT-in Minsk qrupunun həmsədrləri sentyabrın 7-də Bakıya səfər edəcəklər. Bu barədə cümə axşamı Trend-ə telefonla Fransadan olan həmsədr Bernar Fasye bildirib.
Onun sözlərinə görə, bu, regional səfərdir. Fasye qeyd edib ki, Bakıdan sonra həmsədrlər sentyabrın 8-də Dağlıq Qarabağa, 9-da isə Yerevana səfər edəcəklər.
Fasyenin sözlərinə görə, səfərin detalları dəqiqləşdirilir.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.