Аzərbaycan, Bakı, 6 yanvar /Trend/
Litvanın ATƏT-ə sədrliyi inqilabi olmayacaq, belə ki ATƏT əldə olunmuş tərəqqinin "qızıl qədər" dəyərli olduğu təşklilatdır. Bu barədə ATƏT-in uzunmüddətli münaqişələr üzrə sədrinin xüsusi nümayəndəsi Gedrus Çekuolis deyib, "The Baltic Course" xəbər verir.
Litva ATƏT-ə sədrliyi yanvarın 1-də Qazaxıstandan alıb.
"Sədrliyin məqsədi artıq mövcud olan mexanizmlərdən istifadə etməklə üzv ölkələrin siyasi müstəqilliyini fəallaşdırmaq yolu ilə uzunmüddətli münaqişələrdə tərəqqiyə can atmaqdır", - o, deyib.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.