Azərbaycan, Bakı, 3 may /Trend/
Berlində Azərbaycan tarixinin və mədəniyyətinin beşiyi sayılan Şuşanın ermənilər tərəfindən işğalının 19-cu ildönümünə həsr edilmiş tədbir keçiriləcək.
Dasporla İş üzrə Dövlət Komitəsindən Trend-ə verilən məlumata görə, "Şuşa: səssiz-səmirsiz şəhər" adlı tədbir mayın 8-də Almaniya paytaxtındakı "Berlin-Bakı" qalereyasında təşkil ediləcək.
Qalereyanın icraçı direktoru doktor İbrahim Əhrari və Almaniya Azərbaycanlılarının Koordinasiya Mərkəzinin icraçı direktoru Samirə Pattser-İsmayılova tədbirdə çıxış edəcəklər. Potsdam Universitetinin professoru Vilfrid Fuxrman "Şuşa - mədəni irsi məhv etməyə çalışanlar" mövzusunda mühazirə ilə çıxış edəcək.
"Şuşanın dağları başı dumanlı" adlı musiqili kompozisiya səsləndiriləcək.