Fransanın xarici işlər nazirliyi Rambuye qəsrində Azərbaycan və Ermənistan prezidentləri İlham Əliyev və Robert Köçəryan arasında aparılacaq danışıqların proqramını açıqlayıb. Bu barədə Trend ə Fransanın Azərbaycandakı səfirliyindən məlumat verilib.
Azərbaycan və Ermənistan prezidentləri İ.Əliyev və R.Köçəryan Fransa prezidenti Jak Şirakın dəvəti ilə fevralın 10-11-də Fransada səfərdə olacaq. Fevralın 10-u saat 11:00 və 12:00-da hər iki prezident Jak Şirak tərəfindən ayrı-ayrılıqda qəbul ediləcək. Günün ikinci yarısında Rambuye qəsrində İ.Əliyev və R.Köçəryan arasında təkbətək görüş olacaq. Şənbə günü, fevralın 11-də günün birinci yarısında ATƏT-in Fransa, Rusiya və amerikalı həmsədrlərinin iştirakı ilə danışıqlar aparılacaq.
Məlumatda o da qeyd olunur ki, bir il sürən intensiv danışıqlardan sonra (vasitəçilər, tərəflər, prezidentlərin Iarşava və Kazan görüşləri) hal-hazırda aparılan danışıqlarda məqsəd münaqişənin həlli prinsiplərinin müəyyən edilməsindən ibarətdir.