Fevralın 14-də Ermənistanda hərbi əsir olan kiçik serjant Samir Məmmədovun doğmaları Yerevandan üçüncü məktubu alıblar. Bu barədə Trend ə S.Məmmədovun əmisi Vidadi Məmmədov məlumat verib.
Onun sözlərinə görə, məktubda növbəti misralar yazılıb: "Mən özümü yaxşı hiss edirəm, yəqin bu mənim qismətimdir".
S.Məmmədov Qazax rayonunun sərhəd hissəsində hərbi xidmət keçib və 2006-cı il dekabrın 23-də Qazax rayonu və Ermənistanın İcevan rayonu sərhədində əsir götürülüb. Əsir götürülərkən onun üstündə silah və hərbi sursat olmayıb.
S.Məmmədovdan sonuncu məktub fevralın 6-da alınıb.