Azərbaycan, Bakı / Trend müxbir S. Ağayeva / "GUAM - demokratiya və iqtisadi inkişaf uğrunda təşkilat"a üzv dövlətlərin gənclər təşkilatlarının nümayəndələri gələn həftə Bakıda keçiriləcək GUAM-ın Gənclər Günü çərçivəsində görüşəcəklər. Bu barədə şənbə günü təşkilatın katibliyinin yaydığı məlumatda bildirilir.
Belə bir qərar 2006-cı ilin noyabrında "GUAM ölkələrinin Gənclər Forumu"nun birinci konqresi zamanı qəbul olunub. Tədbirdə Gürcüstan, Ukrayna, Azərbaycan və Moldovadan olan nümayəndələrin iştirak edəcəyi gözlənilir.
Görüşdə GUAM-ın gənclərlə bağlı siyasət idarələrinin müavinlərinin başçılıq etdiyi nümayəndə heyətləri iştirak edəcək.
GUAM ölkələrinin Gənclər Forumunun yaradılması və Gənclər Gününün təşkili təşəbbüsü Azərbaycanın gənclər təşkilatlarına məxsusdur.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
