Azərbaycan, Bakı / Trend , müxbir S.İlhamqızı/ Dünya Azərbaycanlıları Konqresində (DAK) indiki rəhbərlikdən narazı olan bir qrup şəxs, gələn il fevralın ikinci yarısında Stokholm şəhərində DAK-ın "yeniləşmə qurultayını" keçirməyi planlaşdırır. Bu barədə cümə axşamı DAK-ın ABŞ nümayəndəsi Rəhim Şahbazi məlumat verib.
Şahbazi bu tədbirin keçirilməsini "DAK-ın içərisində yaranan prinsipsizliklərə son qoymaq məqsədilə" izah edib.
DAK-ın sədri Qulamrza Təbrizi isə, bildirib ki, 3-4 nəfərin DAK adından qurultay keçirməsi mümkün deyil və DAK-ın legitim struktu iyulun 7-də keçirilmiş qurultayda artıq formalaşdırılıb və fəaliyyətini davam etdirir.