Azərbaycan, Bakı, 04 fevral / Trend , müxbir R.Hafizoğlu/ " Dimonda törədilən terror aksiyası silsilə əməliyyatların başlanğıcıdır" - deyə İslami müqavimət hərəkatı "Həmas"ın mətbuat katibi Sami Əbu Zühri Trend ə bildirib.
Bu gün səhər İsrailin Dimon şəhərindəki ticarət mərkəzlərinin birində törədilmiş terror aktı zamanı iki nəfərin öldüyü və onlarla insanın xəsarət aldığı bildirilir.
"İsrail fələstinlilərin qarşısında terrordan başqa bir yol qoymayıb. Dimonda törədilmiş partlayış fələstinlilərin Qəzzənin blokadasına cavabıdır" - deyə, Əbu Zühri bazar ertəsi Qəzzədən Trend ə telefonla bildiririb.
"Fələstinlilər bundan sonra da, işğalçı siyasətə qarşı, İsrailin başa düşəcəyi bir dildə mübərizə aparacaqlar" - deyə Əbu Zühri bildirib.
Mahmud Abbasın təmsil etdiyi "Fəth" hərəkatının mətbuat xidmətindən Dimonda törədilmiş terror aktı ilə bağlı şərh almaq cəhdləri hələlik nəticəsiz qalıb.
"Əl-Ərəbiyyə" və "Hizbullah"ın rəsmi televiziyası olan "əl-Manar" telekanallarının verdiyi məlumata görə ,Dimonda törədilən terrora görə məsuliyyəti, "Fəth", "Həmas" və "İslami cihad" təşkilatları öz üzərinə götürüblər.