Gürcüstan, Tbilisi, 12 mart / Trend , müxbir N. Kirtsxalia/ Gürcüstan müxalifəti nəticə əldə olunmayana qədər aclığı dayandırmaq niyyətində deyil. "Hakimiyyət ümid edir ki, biz aclığı dayandıracağıq, lakin bunu etməyə hazırlaşmırıq" - deyə Trend a Birləşmiş Müxalifət Milli Şurasının üzvü, deputat Zviad Dzidziquri bildirib.
Müxalifətçi deputatın sözlərinə görə, bundan əlavə müxalifət öz fəaliyyətini genişləndirmək niyyətindədir. "Aclıq aksiyası artıq Gürcüstanın müxtəlif şəhərlərində, o cümlədən Batumi, Kutaisidə başlayıb və bu cür aksiyalar ölkənin bütün iri şəhərlərində təşkil olunacaq" - deyə Dzidziquri vurğulayıb.
Artıq dörd gündür ki, parlament qarşısında aclıq edən "Demokratik cəbhə" fraksiyası deputatları və onların tərəfdarları Gürcüstan prezidentinin istefasını və ya yanvarın 5-də keçirilən prezident seçkiləri üzrə səslərin yenidən hesablanmasını tələb edirlər. Gürcüstan parlamentinin spikerinin qəbul otağında aclık keçirən müxalifətin digər hissəsi - "Yeni sağçılar" siyasi birliyinin üzvləri isə aksiyanı dayandırmağa hazırdırlar. Onların şərtləri 150 deputatın olduğu parlamentdə majaritarlar üçün 75 yer nəzərdə tututan normaya dair Gürcüstan parlamenti qərarının ləğv olunmasından ibarətdir.